អបអរសាទរការប្រកាសការទទួលស្គាល់សមាគមបរធនបាលកម្ពុជាជាផ្លូវការ

សមាគមបរធនបាលកម្ពុជា ត្រូវបានប្រកាសទទួលស្គាល់ជាផ្លូវការនៅក្នុងកម្មវិធី "វេទិការបរធនបាលកិច្ចឆ្នាំ២០២៥" ក្រោមអធិបតីភាពរបស់ ឯកឧត្តម រស់ សីលវ៉ា រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ, អនុប្រធានក្រុមប្រឹក្សាអាជ្ញាធរសេវាហិរញ្ញវត្ថុមិនមែនធនាគារ (អ.ស.ហ.) និងជាតំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមប្រឹក្សា អ.ស.ហ.។

សមាគមបរធនបាលកម្ពុជា ត្រូវបានបង្កើត និងបានចុះឈ្មោះក្នុងបញ្ជីសមាគមនៅក្រសួងមហាផ្ទៃតាមប្រកាសលេខ ១២៦៤៨ ប្រក ចុះថ្ងៃទី២១ ខែតុលា ឆ្នាំ២០២៥ ដែលមានអាសយដ្ឋានទីស្នាក់ការកណ្តាលនៅអគារ GS-០៨ ផ្លូវលេខ២៧៤ ភូមិ៧ សង្កាត់វាលវង់ ខណ្ឌ៧មករា រាជធានីភ្នំពេញ។

សមាគមបរធនបាលកម្ពុជា មានបេសកកម្មធ្វើជាតំណាងស្របច្បាប់របស់សមាជិកសមាគមលើការងារពាក់ព័ន្ធនឹងវិស័យបរធនបាលកិច្ច រួមទាំងផ្នែកកិច្ចគាំពារផ្លូវច្បាប់ និងទាំងផ្នែកអភិវឌ្ឍន៍ជាមួយនិយ័តករបរធនបាលកិច្ច និងអាជ្ញាធរពាក់ព័ន្ធ។